Wala Tayong Magagawa

by SYMBO

Nakikita ko ang mali
Nakikita ko ang kadayaan
Nakikita ko ang Sistemang bali
Nakikita ko ang kawalan ng katarungan

Sila ang masusunod
Sila ang dapat pakinggan
Wala tayong karapatan
Dahil sila ang makapangyarihan

Pang-aabuso sa mga mahihina
Pananakit sa kapwa
Pananakot sa nakabababa
Pagsasawalang-bahala

Ano ang sabi ng iba?
Huwag tayo lumaban
Wala tayong magagawa
Dahil sila ang makapangyarihan

Wala tayong karapatan
Dahil wala tayong kapangyarihan
Nakatataas sila
Kaya sila ang tama

Ganito ang sistema
Ito ang katotohanan
Kailan ito mag-iiba?
Kailan tayo magkakaroon ng karapatan?

Ang mga mataas na sundalo
Silang mga magulang
Silang mga balikong pulitiko
Mga opisyal na tiwali
Kailan nila makikita
Ang kanilang pagkakamali?